東瀛吃買玩開心share: 【東瀛吃買玩開心share】新開惹味新鮮海鮮Catch the Cajun Seafood

原先打算食過龍蝦包做午餐，怎料見到Luke's Lobster 隔離開左間新食店，見到d海鮮好好味咁，睇住果lunch menu 又唔係貴，千幾円，於是把心一橫上去試下！

原來此店9/11先開張，由於未有咁多人識，所以無乜客，正正可以讓我好好影相。

Catch the Cajun Seafood 源自於美國西海岸和夏威夷，把新鮮龍蝦、螃蟹、蝦子等海鮮，用香辣料炒後，直接倒於桌上，然後用「手抓」來吃，應該相當滋味！

餐廳好貼心，有成卷紙巾、圍巾、即棄手套、海鮮用的用具，好齊全！

我叫的lunch set 是有碟上的，1580円，drink 加150円，海鮮有蟹、蝦、青口等，再配合粟米、腸仔、蔬菜，可自選飯、意粉或麵包，一上枱已經被吸引住，醬汁可是頂瓜瓜！lunch set應該選用了美國路易斯安那州獨特的「Cajun Sauce」，好惹味又有些辣辣地。店內應該還有黑芝麻胡椒口味，以及檸檬黃油大蒜口味可以選擇。